VOV4.M’nông: Thủ tướng Chính phủ Phạm Minh Chính mhe ký nau ntrŭnh đă mpeh nau ƀư ndal nau chuh vắc xin ndrel ntrŭt dăng ăp nau kan njrăng rdâng srê Covid-19. Tâm nau ntrŭnh đă lah kloh: Bah năp nau tât mhe bah srê Covid-19 ta Nkuăl ƀon têh Hà Nội ndrel du đê̆ nkuăl, ngăn lah nau ntưp ntoh luh bah srê njêng săk Omicron, gay lŏ ƀư ân săk tam ngăn ăp nau kan njrăng rdâng srê, ngăn lah tâm rnôk tết năm mhe Nhâm Dần, Thủ tướng Chính phủ đă Kruanh Rnâng kan rđau nau njrăng, rdâng srê Covid-19, Kruanh UBND n’gor, nkuăl ƀon têh tâm Trung ương rgum rđau ƀư ân rjăp, ngăn ăp nau kan njrăng rdâng srê tĭng nau rđau đă bah Chính phủ, Thủ tướng Chính phủ, Rnâng kan rđau kan neh dak mpeh nau njrăng, rdâng srê Covid-19, ngăn lah nau kan 5K ndrel ngăn lah n’hao nau gĭt rbăng bah ƀon lan mpeh nau mât chăm n’hâm soan ân nơm, ân rnăk vâl, ân ƀon lan ndrel ăp nau kan njrăng rdâng ma kman njêng săk Omicron, mô ƀư thơ tha, n’hao nau săm êng tâm ngih tĭng nau ntĭm đă, ƀư rjăp bah N’gâng kan dak si đah nŭih ntưp srê Covid-19 mô lăng jâk./.

Nŭih rblang: H’Thi