VOV4.M’nông: Uănh nau mbơh bah Mpông trong mbơh nau điện tử Chính phủ mpeh nau tâm nchră “Ăp ntrong kan gay ma rklaih nau mô tŏng dak si ngêt, dak si săm”, Thủ tướng Chính phủ Phạm Minh chính geh nau đă rđau kơt ba kơi aơ: Kruanh N’gâng kan dak si mĭn, djăt nau mbơh đă bah ăp nŭih tâm nau mbơh ăp nau tă geh bah rơh tâm nchră gay ma rđau ƀư ăp nau kan ân tâm di, năn rklaih nau mô tŏng dak si tâm ăp ntŭk khám săm ji. Gay ma rklaih nau kan mô tŏng dak si, ndơ dŏng ndrel ăp ntil mpeh dak si, ê lor ân geh uănh rjăp rnoh kan, nau mô tŏng dak si bah ăp gưl, Trung ương, n’gor, nkuăl, ntŭk ngih dak si nkuăl, uănh năl nkô̆ nau mô tŏng dak si bah ăp ntŭk kan. N’gâng kan dak si ân ndal rgâl nkra ndrel ơm ntrŭnh ăp nau ntrŭnh geh tât nau jao ntĭm mbơh nau leo rvăt, nau mbơh mpeh đăng ký dak si, rnoh dak si, ntĭm mbơh nau rvăt năp ndơ dŏng dak si, tâm nê geh dak si ăp ntil./.

Nŭih rblang: H’Thi