Nar ntri (12/4), ta rơh hop tâl 5 Ban rđău đă Ngih dak ăp ntŭk kan rgum tơm neh dak. Thủ tướng Chính phủ Phạm Minh Chính hŏ jao ăp nău kan đah tĭng rmôt trong nchrăp kan na nê̆  gay ăp n’gâng kan, ăp n’gor, ăp đơn vị. Lơn lah đah rmôt trong nchrăp kan dôl ƀư, tâm nê geh 3 trong cao tốc nchrăp ƀư lôch jêh n’glăp dŏng tâm nar 30/4 năm aơ (lah: Mai Sơn – Quốc lộ 45; Dầu Giây - Phan Thiết; Phan Thiết - Vĩnh Hảo), Thủ tướng đă, Bộ Giao thông vận tải ân rđău đă lĕ n’hâm suan ăp nuĭh tơm ƀư ndranh ndăn ngăch, n’hao âk ndeh rklư, nuĭh kan gay năn n’glăp dŏng di rnoh ngăch, đăp mpăn nâp uĕh, đăp mpăn an nuĭh kan, đăp mpăn an ntŭk gŭ rêh.

 Đah 14 n’gor, nkual ƀon têh lah nhih pah kan tơm mât 3 trong cao tốc Đông-Tây n’hanh 2 trong nduar, Thủ tướng đă ntrôl ngăch an ƀư gay ntơm pah neh ƀư bah năp nar 30/6/2023. Thủ tướng đă Bộ Giao thông vận tải kan nsum đah ăp n’gâng kan, ăp n’gor ndăn ngăch nkra mpeh siƀŭt ăp trong nchrăp kan; rgum ăp nău kŏ kol geh tât rgâl neh tăm ba, neh bri, trong kơl n’hanh ăp trong rong dơh gay mbơh Ủy ban Thường vụ Quốc hội, Quốc hội mĭn uănh.