Aơ lah rơh tât khâl ngăn bôk năp bah dih châu âu bâh Thủ tướng Luxembourg tâm rlău 20 năm ba năp. Ôi lơ 4/5, rơh vơt ngăn Thủ tướng Đại công quốc Luxembourg Xavier Bettel geh ƀư ta Hà Nội. Lôch nĕ, bar thủ tướng tâm nchră ăp njoat hăn mhe ta nău tâm boh bar ding.

Ta rơh tâm nchră, Thủ tướng chính phủ Phạm Minh Chính lah na nê̆ uănh khlăy nău tâm boh tâm rnglăp n’hanh tâm kơl đak trong kan đah Luxembourg. Bar hê Thủ tướng lĕ tâm mbơh lĕ rngôch nău tâm boh tâm rnglăp n’hanh tâm kơl âk nău kan mpeh wăng sa- rêh jêng ăp dak, nău tâm boh tâm kơl bar ding n’hanh ăp nău ta nkual, lam ntur neh ndrel mât uănh. Bar hê Thủ tướng tâm ban ŭch mpeh ăp trong kan gay ma ntrôl nău tâm boh tâm kơl âk ding đah bar dak, ngăn lah n’hao nău tâm mbơh ăp nău kan ăp gâl, ngăn lah gâl têh tâm ban kơt mbơh tơih săk rnglăy ăp trong kan tâm kơl n’hao nău tâm kơl bar ding tâm ban kơt mĭn uănh ăp trong kan tâm kơl mhe an tâm di đah nău dơi, nău ŭch tâm kơl, hun hao đah bar dak.