Mhe aơ, lah  ta rơh pah kan đah kruanh rđău kan nkual ƀon têh Hà Nội, Thủ tướng Chính phủ Phạm Minh Chính dăn đă nkual ƀon têh Hà Nội ân n’hao uĕh tay lơn đŏng nuih  n’hâm  nsrôih ndôr êng, nănh mĭn, nănh ƀư. Mbơh ta rơh pah kan an saơ, 4 khay bôk năm 2023 lĕ rngôch nsĭt geh ngân sách ta nkual ƀon têh bơi 178 rbăn rmen prăk, geh tât rlău 50% trong nchrăp sŏk dŏng, hao 21,6% rđĭl đah ndrel khay dja năm e  nơh.

Hà Nội dâk tâl 2 lam dak mpeh wăch rgum FDI đah rlău 7.000 trong nchrăp kan hôm geh nău tam n’hanh tơm prăk ntuh kơl 61,7 rmen USD. Lah n’glôch jêh rơh pah kan, Thủ tướng Chính phủ Phạm Minh Chính đă tâm let năp tay, Nkual ƀon têh mbơh jru tay, ƀư jêng ngăn ngăn Nghị quyết Đại hội XIII bah Đảng, an ƀư ăp nghị quyết, n’glôch jêh bah Bộ Chính trị mpeh hun hao nkual Đồng bằng sông Hồng, Thủ đô Hà Nội. Mât uĕh suan dăng nuih n’hâm nsrôih ndôr êng, nău way ơm tâm rnglăp, ngăch ngăr, blău ƀư mhe, rgum geh nău tam ăp tơm ndơ. Ƀư mô jêng geh, ƀư jêr jêng dơh, ƀư mô dơi jêng mbra geh nău dơi; ndăn dŏng geh nău tam săk geh mha êng, dơh soih tâm rđĭl, nsan hao dăng ma suan he nơm.