Tâm kêng măng 3/4 rơh rƀŭn nchră Chính phủ đah ăp nkuăl tâm nchră tât nau mbơh ntop tay nau tă geh ƀư bah nau nchrăp ntuh kơl nsum năm 2022, nchră nau ntrŭnh nau kan ntuh kơl tâm năm 2023; Mbơh nchră ntop tay nau tă geh ƀư nau dơi nchrăp hun hao văng sa, rêh jêng năm 2022, nau mbơh nau nchrăp hun hao văng sa rêh jêng năm 2023, mbơh nau nchrăp ntop tay ăp nau tă dơi geh tâm nau ƀư nau kan tơm prăk ngih dak năm 2022, nau ntrŭnh ƀư nau nchrăp tơm prăk Ngih dak năm 2023. Tâm nar rƀŭn, ăp ntoh măt tâm ban đah ăp nau mbơh gay ma mbơh đah Quốc hội uănh.

Yơn lah, ân geh ntop, ƀư kloh du đê̆ nkô̆ nau, ngăn lah mbơh tâm rnôk lam ntur neh dôl geh nau khuch tât Việt Nam, ăp nau jêr, nau ê dơi rnôk aơ bah jâng văng sa, ăp nau nkol ân geh doh rklaih gay ma ntuh kơl nsum, ƀư tơm prăk Ngih dak ndrel hun hao văng sa, rêh jêng. Lôch rƀŭn kêng măng, Thủ tướng Chính phủ Phạm Minh Chính mbơh kloh, ê dơi ntrơn rgâl nau kan hun hao năm 2023 ndrel nkô̆ nau nkân hao khlay ndơ. Yơn lah, ăp n'gâng kan, ntŭk kan ân geh ƀư nsôih kloh lơn ân geh dơi nkô̆ nau, nkre uănh, mât ân rjăp nau kan, geh nau mpŏng, ntrong kan ân năn./.