VOV4.M'nông: Kêng măng 2/3, ta nhih pah kan Chính phủ, Thủ tướng Chính phủ Phạm Minh Chính, Kruanh Ủy ban quốc gia mpeh rgâl mbrô ƀư tơm rơh hop mpeh lôch jêh geh bôk năp n'hanh ăp nău kan, trong nkra ntrŭt ntrôl an ƀư đề án hun hao dŏng rgum prăp nău lư ƀon lan gŭ, ntăm mbrô n'hanh năl săk điện tử rhŏ dŏng an rgâl mbrô neh dak lvang năm 2022- 2025, uănh ngai tât năm 2030 (kuăl lah Đề án 06).

N'glôch jêh rơh hop, Thủ tướng Chính phủ Phạm Minh Chính lah rjăp: Nău tĭng ƀư Đề án 06 lah du gâl tĭng ƀư đăt ndal jŏ jong mpeh ndơ dŏng hŏ dơi Đại hội tâl XIII bah Đảng ntrŏng; rgop rgâl mbrô, rdâk njêng Chính phủ mbrô, nău rêh mbrô, ƀon lan mbrô. Mpeh nău kan rgum tơm tâm let năp tay, Thủ tướng Chính phủ rđău đă ăp n'gâng kan, UBND ăp n'gor, nkual ƀon têh ndăn ngăch an ƀư Đề án, tâm nê ân ƀư ăp tŏng ăp nkô̆, tâm pă nău dơn kan na nê̆ gay tĭng ƀư di rnoh ngăch nău kan dơi jao. Ntrôl ngăch rdâk njêng n'hanh ƀư lôch jêh ăp tŏng si ƀŭt pháp luật geh tât tĭng ƀư ăp nkô̆ bah Đề án.

Nuĭh rblang: Điểu Thân