Kêng măng 15/2, tâm nar bôk năp hăn kan jêh rơh rlu Tết, Thủ tướng Phạm Minh Chính lĕ hăn khâl, ntrŭt đă ƀon lan nkra njêng lŏ mir ta n’gor Hải Dương. Jŭr lŏ ntrŭt đă ƀon lan srih tăm ba yan wai ta xă Hưng Long, nkuăl Ninh Giang, Thủ tướng lĕ khâl nkual nkra njêng mạ khay n’hanh ndrĭch lŏ srih tăm đah măy.

Jêh rnôk djăt nău mbơh mpeh nu nău nkra njêng srih tăm ba yan wai năm 2024 n’hanh nău kơt dŏng măy mŏk srih tăm ba, ntrong ƀư kơt dŏng lŏ mir công nghệ mhe tâm srih tăm ba ta Hải Dương, Thủ tướng tât gŭ ta măy tăm gay ƀĭt tăm ba ta ndrĭch lŏ. Jêh nĕ, Thủ tướng n’hanh mpôl pah kan khâl nkual nkra njêng cà rốt rgum rhŏ an tăch n’gluh; khâl Hợp tác xã Đức Chính, ntŭk nkret njêng, tâl dŭng cà rốt n’hanh koh bok rhơn tăch n’gluh cà rốt bôk năp năm Giáp Thìn ta xă Đức Chính , nkuăl Cẩm Giàng.