VOV4.M'nông: Kêng măng 14/10, ta Jay Quốc hội ƀư Tâm nchră Đảng đoàn Quốc hội đah Ban cán sự Đảng Chính phủ mpeh pah kan nchrăp an Rơh hop tâl 4, Quốc hội khóa 15. Thủ tướng Chính phủ Phạm Minh Chính, Kruanh Quốc hội Vương Đình Huệ râng n'hanh ƀư tơm rơh tâm nchră.

Tĭng Tổng thư ký Quốc hội, Chủ nhiệm Văn phòng Quốc hội Bùi Văn Cường, rơh hop dja, Quốc hội mbra pah kan tâm 21 nar, rlău ma ăp trong nchrăp kan luật mbra dơi an nău rgop n'hanh uănh an dŏng hôm âk nkô̆ nău "duh jêr" ƀư jêng nuih ăl tâm nău rêh dơi cử tri n'hanh ƀon lan dŭt n'hâm uănh khlay mbra dơi ăp đại biểu Quốc hội đă rblang ƀư kloh tâm rnôk tâm nchră mpeh ăp nău mbơh wăng sa- rêh jêng kon nuĭh, ngân sách ngih dak mô lah ăp rơh ôp.

Lah ta rơh tâm nchră, Thủ tướng Chính phủ Phạm Minh Chính rnê âk pah kan nchrăp an rơh hop tâl 4 bah Quốc hội, nău kan nsum nchrăp an rơh hop tâl puăn dơi tĭng ƀư lĕ n'hâm suan, tĭng di bôk nău kan. Bar ding hŏ kan nsum lhăt, geh nău tam, ăp trong nchrăp luật ndơ̆ luh an nău rgop hŏ dơi nchră na nê̆. Ăp ủy ban bah Quốc hội n'hanh n'gâng kan hŏ kan nsum, nsrôih rdâk njêng, nău mbơh rblang ăp si ƀŭt dơi tĭng ƀư tâm mông nar glêh lơn, săk tam lơn./.

VOV.VN

Nuĭh rblang: Điểu Thân