Ôi 4/7, Thủ tướng Phạm Minh Chính lĕ leo Rƀŭn nchră trực tuyến Chính phủ đah n’gor n’hanh rơh rƀŭn Chính phủ ăp rơh khay 6. Ntoh ngơi ta Rƀŭn nchră, Thủ tướng Phạm Minh Chính lah rjăt, tâm rnôk jêr jŏt, ăp gưl, ăp nău kan, ăp ntŭk lĕ nsrôih rlet rlău, mbơh ƀư dŭt n’hâm, tâm ban lĕ rngôch, geh nău khlay ăp nău kan, trong mkra n’gluh an.

Tâm nĕ, lĕ rgum tâm ăp nău kan khlay jăch ndăn aƀaơ lah dôh rklaih jêr jŏt an doanh nghiệp nta an nău kan, nta nău rêh an nuĭh ƀon lan, ntrôl hao jêng, đăp mpăn ăp tâm pă têh, đăp mpăn wăng sa têh, mât nâp rnăk njrăng bri dak. Thủ tướng Chính phủ đă ăp đại biểu râng rƀŭn nchră rgum tâm nchră nu nău wăng sa-rêh jêng rơh 2 n’hanh 6 khay bôk năm. Tâm nĕ nkoch kloh ăp ntil nău uĕh, ăp nău mô hŏ dơi ƀư an mkra rhoăt tay nău ơm; rblang tâm rnôk, nu nău; dăn đă trong mkra khlay, nău tơm khlay, nău rgâl mhe ƀư tĭng ăp nău kan khay 7 n’hanh 6 khay dŭt năm 2023.