VOV4.M’nông- Nar 3/3, ta ntŭk kan chính phủ, Thủ tướng chính phủ Phạm Minh Chính leo rơh rƀŭn nchră chính phủ ăp khay ta khay 2 năm 2022. Tĭng nău mbơh tơih ta rơh rƀŭn nchră, nău wăng sa- rêh jêng khay 2 n’hanh 2 khay bôk năm geh âk nău rgâl mhe, ueh mhe, geh ndâk nsơm tay ta lĕ rngôch ăp trong kan mpeh công nghiệp, tuch tăm, vơt năch, ndâk nsơm nău tăch rgâl, nău pah kan, mât đăp mpăn chính trị, mât đăp mpăn nău rêh jêng.

Mpeh nău kan let năp tay Thủ tướng nchŏng na nê̆, aơ lah rơh dŭt khlăy, an geh ntrôl ngăch n’hanh ƀư an geh săk rnglăy ăp trong kan gay ma njêng nău kan mhe tâm nău ƀư tĭng ăp nkô̆ mpŏng pah kan bâh lĕ năm. Thủ tướng đă ăp n’gâng kan, ntŭk kan, ăp ntŭk ƀư tĭng nău kan răng dăng n’hanh ƀư lôch ueh ăp nău kan, nău mpŏng hun hao wăng sa rêh jêng năm 2022 lĕ geh ngluh mbơh tâm nĕ rgum ƀư lôch ăp trong kan bâh n’gâng kan chính trị, Ban bí thư, mât đăp mpăn nău ueh, nău di. An geh mbơh tơih geh săk rnglăy ăp trong kan, nău kan bâh bôk nău kan ndâk nsơm n’hanh hun hao wăng sa rêh jêng, ngăn lah trong kan an geh ƀư tĭng tâm khay 1 năm 2022.

Nuĭh rblang: Thị Đoắt