Ta rơh rƀŭn nchră, n’gâng kan kế hoạch đầu tư lĕ mbơh nău ntrŭnh bâh Thủ tướng Chính phủ mpeh nău njêng Hội đồng mât pă nkual đồng bằng sông Hồng. Tĭng nĕ, Hội đồng mât pă nău kan nkual geh uănh năl mô di lah du gâl kan hành chính yơn lah nău kan ƀư geh săk rnglăy ăp nău mô dơi geh ma du ntŭk tâm nkual mô dơi doh rklaih, nkre lah mbra dơi doh rklaih ăp nău ê hŏ dơi geh tâm ban mô lah rlet rlău nău ntrŭnh bâh ăp cán bộ, n’gâng kan n’hanh ta ntŭk.

Nkual đồng bằng Sông Hồng geh ntrŭnh jêng nkual neh hun hao ngăch, nâp nâl, tâm nĕ, Thủ đô Hà Nội “ Văn hiến- gĭt blău- ueh mhe”, jêng nklang tơm, nău nsrôih gay ma hun hao nâp nâl ta nkual n’hanh lam dak, nsrôih an tâm di thủ đô ăp dak hun hao ta nkual. Ta rơh rƀŭn nchră aơ nuĭh leo kan ăp n’gâng kan, ntŭk kan tâm nchră, nchră trong kan n’hanh rdâk njêng nău nchrăp nkual đồng bằng Sông Hồng ta rơh năm 2021-2030, mpŏng uănh tât năm 2050 đah nău mĭn kan, nău mpŏng kan jŏ jong, mât đăp mpăn tâm rgop, tâm ban, dơn ngoăy, săk rnglăy n’hanh nâp nâl.