Ôi 26/6, Lễ wơt ngăn Thủ tướng Chính phủ Phạm Minh Chính n’hanh Mpôl đại biểu gưl têh Việt Nam khâl ngăn Trung Quốc hŏ dơi ƀư rgum ta Đại lễ đường Nhân dân ta Thủ đô Bắc Kinh, tă bah Thủ tướng Quốc Vụ viện dak Cộng hòa nhân dân Trung Hoa Lý Cường ƀư tơm. Lôch Lễ wơt, Thủ tướng Lý Cường leo Mpôl đại biểu gưl têh Trung Quốc n’hanh Thủ tướng Phạm Minh Chính leo Mpôl đại biểu gưl têh Việt Nam ƀư tâm nchră.

Hăn khâl rơh dja gay ƀư jêng ngăn lôch jêh geh hăn khâl ngăn Trung Quốc bah Tổng Bí thư Nguyễn Phú Trọng kêng năm 2022. Bar ding mbra rgum nkoch tay ăp nău dơi tâm boh tâm bah ri aơ, n’gluh ăp trong rƀŏng, nău dơn kan gay rdâk nkah tay n’hanh hun hao tâm boh tâm rnglăp tâm let năp tay, lơn lah ăp trong pơk hvi n’hanh n’hao nău dơi tam tâm boh ta ăp trong kan, ntrŭt ntrôl droh rklaih kŏ kol jêr jŏt tâm boh; tâm ôp kalơ nuih n’hâm tâm rnglăp, sŏng dăng, di ngăn ngăn, uănh khlay, tâm gĭt wât nsum, yor ma đăp mpăn, tâm boh n’hanh hun hao.