VOV4.M'nông: Kêng măng nar 24/1, Thủ tướng Chính phủ Phạm Minh Chính n'hanh mpôl pah kan hŏ mpoh nhang, n'hơr kao si ta jay nkah gĭt Kruanh Hồ Chí Minh, mpoh nhang, n'hơr kao si ta ndah rup nkah gĭt nuĭh dăng janh rnoi nuĭh Lê Lợi ta nkual ƀon têh Thanh Hóa; tât khâl, pah kan, mbah rhơn Tết cán bộ, tahen Công an n'gor Thanh Hóa. Khâl, mbah rhơn Tết cán bộ, tahen Công an n'gor Thanh Hóa, Thủ tướng rblang: Nô nău năm 2022 hôm âk jêr jŏt, krit nji, jêng he mô dơi uănh lhơ, roh nău mât njrăng, nchrăp nuih n'hâm, tơm nuĭh, rđău đă, leo ƀư jăp uĕh lơn rlău năm aơ nơh. Thủ tướng nkoch kloh, nău kan an lor bôk năp lah nsrôih râng pah kan njrăng, n'gang nuh srê, tâm nê, ân rgum an nău kan chuh vaccine, mpôl công an ndrel ăp mpôl kan êng ƀa ƀă ân "hăn tĭng jay, goh tĭng mpông, ra tĭng nuĭh" gay chuh vaccine an ƀon lan. Thủ tướng đă Công an n'gor Thanh Hóa rƀah gĭt tay nô nău, nsŏng kơl tay an gưl ủy, n'gâng kan nkual ƀon têh rđău đă; ƀư jăp pah kan mât uănh ngih dak mpeh đăp mpăn rnă njrăng, nkoch trêng, mbơh gĭt, leo ƀư; n'hanh mât uĕh nău khlay n'gâng tơm, rlăch ndăng ngăn ngăn, đăp mpăn rnă njrăng, mât nău rêh rngân uĕh bah nuĭh ƀon lan./.

Nuĭh rblang: Điểu Thân