Ôi ơm 29/6 lĕ geh pĭch rlâm ta nkual ƀon têh Đà Lạt, n’gor Lâm Đồng ƀư 2 nuĭh geh bŭl, du đêt nuĭh geh sôt rmanh, ngih wâl bah nuĭh ƀon lan khuch djơh. Thủ tướng Chính phủ Phạm Minh Chính njuăl nău chop khâl, tâm pă rngot hô ngăn tât nuĭh rmanh. Tâm ăp nar bah năp, ta du đêt ntŭk nkual yôk mpeh bah lơ n’hanh nkual Tây Nguyên lĕ geh mih têh, ƀư pĭch rlâm neh, dak rchoh tĭng ntŭk.

Ôi ơm 29/6 lĕ geh pĭch rlâm ta nkual ƀon têh Đà Lạt, n’gor Lâm Đồng ƀư 2 hê geh neh bŭl, du đêt nuĭh sôt rmanh, ngih wâl bah nuĭh ƀon lan khuch djơh. Gay ndăn mkra khuch nău neh bŭl nkoch bah lơ n’hanh nchrăp đăp mpăn an nuĭh ƀon lan n’hanh ngih wâl ntung trong tâm yan mih, Thủ tướng Chính phủ đă ăp Kruanh n’gâng kan Lŏ mir n’hanh hun hao ƀon lan, Tài nguyên n’hanh Môi trường, ndâk nkra ngih wâl, Ntĭm nti, nchoăn rdêng, Công thương, Mât njrăng bri dak, Công an, Kruanh UBND ăp n’gor, nkual ƀon têh mpeh tâm Trung ương, Ban Ntĭm rđău ngih dak mpeh njrăng, n’gang trôk nar ƀư n’hanh Ủy ban ngih dak njrăng rdâng nău mâp, trôk n’hanh n’hanh joi kơl nău rmanh rgum ntĭm rđău, mĭn mbơh ƀư trong kan njrăng n’gang, n’hŭch khuch khat yor trôk nar lơh.