VOV4.M’nông – Ta năp nu nău chôt srê jêr jŏt, jêr njrăng, jêr nchroh mbơh, gay mât nâl, nâp nâl tay n’hanh mât uĕh dơi geh săk rnglăy njrăng n’gang srê lĕ dơi geh, pơk mpông tay, ntrôl dăng rdâk hao tay n’hanh hun hao wăng sa-rêh jêng, Thủ tướng Chính phủ Phạm Minh Chính an công điện đă: Ăp ngih pah kan tâm trong chính trị, ăp n’gâng kan, nău kan, ăp gưl, nuĭh ƀon lan n’hanh doanh nghiệp mât nâp dăng, nâp nâl nău mĭn, mô dơi thơ tha, roh nău njrăng n’hanh mô klach rvê, lơi roh tâm nău njrăng n’gang srê Covid-19; ntrôl dăng tay ƀư tĭng rjăp ăp nău rƀŏng, trong mkra lĕ dơi Đảng, Ngih dak n’gluh an; ƀư tĭng rjăp, nsrôih, săk rnglăy nău chuh vaccine, gĭt ngăch ăp trong mkra săm, dak si săm, nkre n’hao nău wât tĭng rjăp, geh săk rnglăy ăp nău ntrŭnh njrăng n’gang srê bah nuĭh ƀon lan...Tĭng nĕ, ăp ntŭk an ntrôl dăng n’hanh ngăch lơn nău ƀư chuh vaccine nglai 3 an nuĭh bah 18 năm deh let lơ, jêh tâm 3 khay năm 2022; chuh nglai tal 2 an kon se bah 12 tât bah dâng 18 năm, lôch jêh tâm khay 2 năm 2022; nchrăp ăp ndơ mpeh ngih wâl, ndoh ndơ, măy mŏk mât prăp, ntŭk ƀư, nuĭh kan gay chuh an kon se bah 5 năm deh tât bah dâng 12 năm deh jêh rnôk geh pă manh vaccine.

Nuĭh rblang: Y Sưng Phê Ja