VOV4.M’nông – Kêng măng 12/1, Thủ tướng Chính phủ Phạm Minh Chính ƀư tơm rơh rƀŭn đah ăp N’gâng kan, nău kan mpeh trong kan njrăng n’gang sa khâm tâm rmôt Chính phủ n’hanh n’gâng kan ƀon lan. Ta rơh rƀŭn, Thủ tướng Chính phủ Phạm Minh Chính lĕ ntĭm kloh ăp nău hôm e n’hanh mô hŏ dơi ƀư bah trong kan njrăng n’gang sa khâm, an geh du đêt nău yô̆ kơt nău tih ta công ty Việt Á, mô lah du đêt nău geh tât nău ndranh, tâm rlong tăch rwăt neh tâm ăp năm dăch aơ.

 Thủ tướng: Ntrôl dăng uănh nđôi, phong, rmal nău tih kit xét nghiệm Việt Á

Mpeh nău kan năm 2022, Thủ tướng đă an tĭng nău ntĭm rđău bah Đảng, na nê̆ Nghị quyết Đại hội n’hanh ntĭm rđău bah Ban ntĭm rđău, ăp nău dơi bah chính phủ, ăp ngih pah kan chính phủ n’hanh n’gâng kan ƀon lan; n’hao uănh nđôi, n’hao lĕ nău kan nuĭh djôt bôk. Thủ tướng đă, ntrôl dăng uănh năl tay, mêt nđôi, phong, rmal ăp nău tih geh lư uănh tât kơt nău Việt Á tĭng di nău ntrŭnh bah pháp luật.

Nŭih blang: Y Sưng Phê Ja