Ôi lơ 10/11, ta Đà Nẵng, rnâng kan way kan Đảng ủy Quân khu 5 ntŭk kan rơh rƀŭn nchră mbơh nău, pă nău ntrŭnh mpeh leo kan cán bộ. Rơh rƀŭn nchră lĕ geh mbơh tơih n’hanh pă nău ntrŭnh bâh Thủ tướng Chính phủ mpeh nău pă tay an Thiếu tướng Cao Phi Hùng mât nău kan groi Tư lệnh Quân khu 5.

Ta rơh rƀŭn nchră, ndơn kan bâh Quân ủy Trung ương, Trung tướng Thái Đại Ngọc- Ủy viên trung ương Đảng, Ủy viên Quân ủy Trung ương, groi Bí thư Đảng ủy, Tư lệnh Quân khu 5 lĕ pă nău ntrŭnh n’hanh rhơn Thiếu tướng Cao Phi Hùng. Thiếu tướng Cao Phi Hùng năm aơ 58 năm deh, ƀon tơm ta xã Hoài Thanh Tây, nkuăl têh Hoài Nhơn, n’gor Bình Định. Năm 2018, wa geh Thủ tướng Chính phủ săch ƀư leo nău kan groi Tư lệnh Quân khu 5 rnôk dôl mât nău kan groi kruanh mbơh ôp nău Quân khu 5, nkre lah n’hao grat Thiếu tướng.