VOV4.Mnông-  Nar 17/4, Thủ tướng Chính phủ Phạm Minh Chính n’hanh mpôl pah kan bâh Chính phủ lĕ pah kan đah nuĭh leo kan tơm n’gor Ninh Thuận mpeh nău kan, nău geh ƀư tĭng nău kan năm 2021, pe khay bôk năm 2022 n’hanh trong kan ta năm 2022, nău geh 3 năm ƀư tĭng Nghị quyết 115 bâh chính phủ.

Ntoh ngơi ta rơh pah kan, Thủ tướng Phạm Minh Chính an gĭt rơh rƀŭn nchră gay ma uănh năl, uănh tay ăp rơh pah kan ma n’gor Ninh Thuận lĕ dơi ƀư, ăp nău mô hŏ dơi ƀư tâm ba năp nơh, mbơh rblang nkô̆ nău, uănh năl ăp trong mpŏng kan, nkô̆ mpŏng kan, nău mĭn ntĭm leo pah kan, ntrong kan têh tâm năm 2022 n’hanh tâm let năp tay, bâh nău Nghị quyết Đại hội 13 bâh Đảng, nău nchrăp 5 năm, trong kan 10 năm hun hao wăng sa- rêh jêng neh dak, Nghị quyết Đại hội Đảng bộ n’gor, ăp nghị quyết bôk nău kan bâh trung ương, an geh ƀư tĭng tâm di, săk rnglăy tĭng nău geh ta ntŭk. Tâm let năp tay, n’gor an geh n’hao têh dăng lơn nău dơi êng geh, nău nkhêp ntoh lư, rnoh geh kan mhe, njêng nău ŭch rŏng mhe, nău rêh mhe an hun hao, nsĭt tay nău rêh ăp nar lơ ma hơm răm, đăp mpăn an ƀon lan.

Nuĭh rblang: Thị Đoắt