Ôi 9/9, Thủ tướng Chính phủ Phạm Minh Chính, Kruanh Tiểu ban văng sa-rêh jêng Đại hội ntoh măt lam dak tal XIV bah Đảng (Tiểu ban văng sa-rêh jêng) ƀư tơm nar rƀŭn Rnâng kan Chính phủ đah Rnâng kan Văng sa-rêh jêng gay rgop nau đah nau nchrăp mbơh nchră 5 năm ƀư nau kan hun hao văng sa, rêh jêng 10 năm 2021-2030, nau rƀŏng, ntrong kan, nau kan hun hao văng sa 5 năm 2026-2030.

Lôch nar rƀŭn, Thủ tướng Chính phủ Phạm Minh Chính kơp dơn, rnê prêh ăp nau kan gơih, nuih n’hâm rjăp, nau kan prêh bah ăp kan nŭih kan bah Tiểu ban ndrel ăp ntoh măt râng rƀŭn, đă Rmôt kan Biên tập ƀư rjăp nau mĭn, nau rgop bah ăp nŭih kan bah Tiểu ban, ndal ƀư jêh nau mbơh. Thủ tướng đă mpeh nkô̆ nau mô geh nau rgâl yơn ân geh ntop tay ăp nau kan, ntrong kan mhe gay njêng luh nau kan mhe, nau ƀư mhe ân năm 2026-2030 gay ƀư jêh nkô̆ nau tât năm 2030 lah dak dôl hun hao geh công nghiệp mhe, rgum nau geh dơi âk./.