Kêng măng 25/11, ta ntŭk kan Chính phủ, Thủ tướng Chính phủ Phạm Minh Chính ƀư tơm nar rƀŭn Chính phủ nkô̆ nau ndâk njêng pháp luật khay 11/2022 gay ma uănh, rgop nau đah nau đă ndâk njêng Luật ndơ ơm yau (rgâl nkra), ndâk njêng Luật rgâl nkra, ntop tay du đê̆ điều bah Luật tŏng nau dơi, tŏng kỹ thuật ndrel du đê̆ nau nchrăp luật êng.

Ntoh nau tâm nar rƀŭn mpeh nau đă ndân njêng Luật ndơ ơm yau (rgâl nkra), Thủ tướng Chính phủ Phạm Minh Chính đă N’gâng kan Văn hoá, Thể thao ndrel pâl n’aih lŏ rgum săch đăp mpăn dĭng lĕ, lah rjăp, ƀư nau rgum ân geh rjăp lơn, kŏ ƀư jêh nau nchrăp Luật, nkre rklaih nau kol ân klaih, nkre ƀư rjăp ăp nau kan ê geh ntoh luh tâm Luật.

Mpeh nau kan, nŭih bah nau nchrăp Luật ân geh ƀư rêng hvi lơn, kơp uănh mô ân geh tâm ntrŭp, mô ân geh tâm ƀah pháp luật, jêr rnôk dŏng, ƀư jêh aơ. Ân geh pă ân rjăp lơn tay tâm nau mât ngih dak, N’gâng kan ân ntoh luh nau kan tơm, nau nchrăp, nau rgum, ndâk ntrong kan, nau kan, kơl an ân hun hao./.