VOV4.M’nông: Kêng măng 12/9, Thủ tướng Chính phủ Phạm Minh Chính ƀư tơm nar rƀŭn mât nau đăp mpăn văng sa. Ntoh nau tâm nar rƀŭn, Thủ tướng lah kloh 11 rmôt ƀư nau kan, ntrong kan ngăn ndrel nau đă ân geh ƀư ân rjăp, gĭt kloh ăp nau tât bah lam ntur neh, tâm dak, n’hao nau dơi mbơh, nchoh ndrel mhal, ƀư rjăp tâm nau rđau kan văng sa. Lŏ rđau nau nchrăp, ƀư ân ueh, săk tam ndrel tâm rgop ân rjăp.

Tâm ban đah ăp tơm prăk kơl, tơm prăk kan ndrel ăp nau geh kơl an êng gay ma nkân nau hao khlay ndơ, đăp mpăn văng sa, ntrŭt dăng hun hao, đăp mpăn ân tâm ban têh bah jâng văng sa. Rđau kan geh tơm, geh nkô̆, năl kloh nkô̆ nau, nau đă, nau ƀư nau kơl an ndrel ăp ntrong kan ân tâm di, đăp mpăn rgum lĕ ndrel geh nau tâm ban, tâm di đah ăp nkô̆, nau geh dơi bah năp măt ndrel jŏ jong, yor nau hun hao nâp nâl bah jâng văng sa./.

Nŭih rblang: H’Thi