VOV4.M’nông: Ôi lơ 12/9, Thủ tướng Chính phủ Phạm Minh Chính ƀư tơm nar rƀŭn ƀư nau kan njrăng, rdâng ŭnh sa ndrel lôch 5 năm ƀư nau ntrŭnh mrô 83 bah Chính phủ mpeh nau kan kơl an bah rmôt njrăng, rdâng ŭnh sa. Rơh rƀŭn geh ƀư trực tuyến đah ntrong ƀoh ngơi bah Ntŭk kan Chính phủ ndrel 63 n’gor, nkuăl ƀon têh tâm lam dak. Ntoh nau tâm nar rƀŭn, Thủ tướng Chính phủ Phạm Minh Chính lah rjăp, rơh rlau aơ nau ŭnh sa, rtoh, khuch rmanh geh âk, jêr rdâng, nau tât lơn ma âk.

Thủ tướng lah rjăp, ăp nau kan khlay, nau khuch rmanh lah nau nkah ân saơ nau kan tât ndal, nau đă luh ân ƀư, nau kan mhe tâm nau njrăng, rdâng, gay đăp mpăn drăp ndơ ndrel ngăn lah kon nŭih. Đah ăp rnôk ŭnh sa têh êp aơ, Thủ tướng hŏ đă N’gâng kan Công an rđau đă, ƀư kloh nkô̆, nau kan bah ăp ntŭk kan mât ngih dak, n’gâng kan nkuăl, ntŭk kan pă săm ƀŭt, mêt uănh ndrel ăp nŭih geh tât, đăp mpăn ân tŏng dơi./.

Nŭih rblang: H’Thi