Kêng măng 11/9, Rnâng kan Chính phủ, đah nau ƀư tơm bah Thủ tướng Chính phủ Phạm Minh Chính hŏ rƀŭn nchră nau ndâk pháp luật tâm nê nchră ndrel rgop nau mpeh Nchrăp Luật rgâl, ntop tay du đê̆ điều bah Luật Chứng khoán, Luật kế toán, Luật kiểm toán độc lập, Luật tơm prăk Ngih dak, Luật mât, dŏng drăp ndơ nsum, Luật mât soay, Luật mât têm ndơ. Bah năp nau mih dak lip lơh khuch hô ndrel ƀư khĭt ndrel roh bơi tât 300 nŭih, 780 nŭih rmanh, âk tơm tăm, mpa rong, kik djar geh roh, khuch djơh, ntoh nau tâm nar pơk bôk nar rƀŭn mpeh ndâk pháp luật.

Thủ tướng Phạm Minh Chính njoăl nau ôp khâl pă nau rngot bah Tổng Bí thư, Kruanh dak Tô Lâm ndrel Thủ tướng kŏ njoăl nau pă nau rngot đah ăp rnăk vâl geh nŭih khuch rmanh yor mih dak lip ndrel rluh neh, nkre đă ăp nkuăl ƀư nau ueh nau kan, nau kơl an, tât năn kơl an ƀon lan ân săk tam. Thủ tướng Chính phủ kuăl jă ƀon lan, ntŭk kan, rmôt ƀư kan tăch rgâl, n’gor mô geh nau khuch gay kơl an ân nŭih ƀon lan, ntŭk kan, rmôt kan, n’gor geh nau khuch; tâm nuih n’hâm “geh đê̆ kơl đê̆, geh âk kơl âk” ‘geh drăp kơl drăp, geh n’hâm kơl n’hâm”, “tâm kơl an”, “n’ha ueh nkŭm n’ha sat, n’ha sat nkŭm n’ha sat lơn” gay ma rlet rnôk jêr jŏt aơ./.