Ôi lơ 19/7, Thủ tướng Chính phủ Phạm Minh Chính ƀư tơm nar rƀŭn tal 5 bah Rnâng kan rđau kan rgâl mhe hành chính bah Chính phủ. Tĭng nau mbơh, tâm 6 khay bôk năm, nau kan rgâl mhe hành chính lŏ geh nau rgâl mhe. Tâm nê, rgum rklaih ăp nau jêr, nkol, geh tât nau kan hành chính, ngăn lah nau ƀư kan. Ăp n’gâng kan, ntŭk kan, nkual kŏ nsôih ƀư nau kan geh jao.

Tĭng nau kơp, mbơh, nau nchrăp rgâl mhe hành chính bah ăp n’gâng kan, ntŭk kan tâm ban bộ hŏ nchrăp luh 845 nau kan, UBND n’gor, nkual ƀon têh hŏ nchrăp luh 3003 nau kan. Ăp n’gâng kan, ntŭk kan Trung ương hŏ ƀư jêh 296 nau kan, UBND ăp n’gor, nkuăl ƀon têh hŏ ƀư jêh 1384 nau kan. Thủ tướng đă, ăp nŭih kan bah Rnâng kan rđau kan rgum nchră, ƀư kloh ăp nau tă dơi geh, ăp nau hôm kol, ê dơi tâm nau rgâl mhe hành chính lah nsum, tâm nê rgum ƀư kloh ndrel nchrăp nau rgâl mhe gay rklaih, n’hong ueh ăp nau hôm nkol tâm nau ƀư kan./.