Kêng măng 17/9, Thủ tướng Phạm Minh Chính, Kruanh rnâng kan Rđau kan Ngih dak ăp ntŭk kan, nau kan khlay bah neh dak, tơm bah ntŭk kan Gung trong nchuăn rdeng (Rnâng kan rđau kan) ƀư tơm rơh rƀŭn tal 14 bah Rnâng kan rđau kan. Rơh rƀŭn mêt uănh, bonh đă ăp nau kan bah kơi rơh rƀŭn tal 13 ndrel nchră nau kan, lŏ doh rklaih nau jêr, nkol, ntrŭt dăng nau ngăch ƀư nau kan.

Ntoh nau tâm nar rƀŭn, Thủ tướng Phạm Minh Chính lah kloh, tât rnôk aơ ăp nau kan ma Rnâng kan rđau kan mêt uănh geh 40 nau kan têh tâm rnoh 92 nau kan tâm 3 n’gâng tơm: Trong jâng, jong loih ndrel trong trôk, hăn rlet 48 n’gor, nkuăl ƀon têh tâm Trung ương. Thủ tướng lah rjăp ntơm bah rnôk aơ tât năm 2025, knŭng hôm 15 khay đŏng, rnoh nau kan têh. Ndri ma, Thủ tướng đă ân geh tâm nchră nau ntrŭt dăng nau kan, đăp mpăn nâp ăp nau kan, ƀư ăp nau blau bah ơm tă bah nau nkra trong điện 500 kV mạch 3./.