Kêng măng 14/11, Thủ tướng Chính phủ Phạm Minh Chính ƀư tơm nar rƀŭn tal 6 bah Rnâng kan rđau kan rgâl mhe hành chính bah Chính phủ. Jêh geh djăt ăp nau đă bah rơh nchră bah rđau kan ăp n’gâng kan, nkual, Thủ tướng Phạm Minh Chính kơp dơn, rnê pêh ăp nau nsôih ndrel nau tă geh dơi bah ăp n’gâng kan, ntŭk kan, nkuăl, nau rđau kan rjăp bah ăp nŭih kan.

Bah Rnâng kan rđau kan rgâl mhe hành chính rơh rlau aơ, geh âk nau rgop ueh, khlay tâm nau geh dơi nsum bah lam dak. Thủ tướng đă, ăp n’gâng kan, ntŭk kan, nkuăl lŏ kơp uănh, rgâl nau kan, nau ƀư ndrel ƀư ueh nau kan, nau dơi bah nŭih dâk bôk gay ƀư geh săk tam nau kan hành chính geh jao.

Rđau kan n’gâng kan, nkuăl n’hao nau tâm nchră sŏng gay gĭt nau ngăn ndrel rđau rklaih ăp nau jêr, nkol ân nŭih ƀon lan, ntŭk kan tăch rgâl, ndal ƀư jêh, mbơh ăp ntŭk kan geh nau dơi ntrŭnh nau ntrŭnh n’hêl luật, pháp lệnh, nau ntrŭnh hŏ geh săk tam đah pháp luật./.