Ôi 18/7 ta nkual ƀon têh Hồ Chí Minh, Thủ tướng Phạm Minh Chính bĭt joet Rƀŭn nchră Hội đồng điều phối nkual Đông Nam Bộ. Ta rƀŭn nchră, Kruanh N’gâng kan Chủ nhiệm Văn phòng Chính phủ Trần Văn Sơn lĕ mbơh Nău ntrŭnh bah Thủ tướng Chính phủ mpeh ndâk njêng Hội đồng điều phối nkual Đông Nam Bộ. Đah nău mĭn hun hao nkual Đông Nam Bộ lah nkual hun hao ngăch, rgum wăng sa, prăk kaih, tăch rgâl, ntĭm nti, hun hao nuĭh kan uĕh blău, khoa học-công nghệ, rgâl mĭn ƀư mhe, rgâl mrô bôk năp lam dak n’hanh nkual Đông Nam Á, mât khlay tâm rgop hun hao đah ăp nkual wăng sa êng. Ndâk njêng Đông Nam Bộ jêng nkual uĕh, mhe, rgum lăp lam ntŭr neh.

Ta rƀŭn nchră, kruanh ăp N’gâng kan, ƀon lan, nuĭh way kan, nuĭh khoa học lĕ tâm nchră mpeh trong tâm rgop n’hanh wăch rgum nuĭh kan ndâk njêng trong hăn nkual Đông Nam Bộ tâm ban, mhe. Dăn đă nău kan ƀư tâm rgop nkual 6 khay dŭt năm 2023; trong mkra tâm pă, ndâk njêng n’hanh hun hao nkual ƀon têh tâm Nkual jêng ăp nkual ƀon têh mhe tâm nkual. Dăn đă trong ƀư, nău kơl êng Đông Nam Bộ gay hun hao ntung trong, nkual ƀon têh uĕh nđĭr, nklang prăk kaih.