Kêng măng 10/8, Thủ tướng Phạm Minh Chính ƀư tơm rơh hop Ban rđău đă Ngih dak ăp ntŭk ƀư, trong nchrăp kan khlay gưl neh dak, rgum tơm n’gâng kan ntung trong nchuăn rdeng. Thủ tướng dăn đă, ăp n’gor ân nsrôih uănh nău kan ntuh kơl ntung trong ta ntŭk  lah ntuh kơl  an hun hao, jêng ân rong mông nar, n’hâm suan gay rđău đă; mâp mơh, rgŏ jă ăp nuĭh  tơm ƀư ndranh, mbơh nti gay ƀư uĕh.

Đah du đêt trong nchrăp ƀư Đông – Tây ta du đêt nkual, n’gor ri ân nsrôih dâk ƀư ngăch. Mpeh trong nchrăp Dak Nông – Bình Phước ri ân ƀư ngăch gay Dak Nông klaih rlău ach o n’hanh Bình Phước ân ƀư geh ndrŏng. Mpeh du đêt nău dơn kan tơm khlay let năp tay, Thủ tướng nkoch kloh, ân ơm ƀư lôch jêh ăp siƀŭt tâm di; tâm rlak  tơm prăk; ngăch rplăch, geh nău tâm ban, moh ndơ kŏ kol ri dăn đă Quốc hội nkra; ăp n’gor ân nkra lĕ pah kan đă ntrơn du rong neh an ƀư trong kalơ nuih n’hâm bonh dăn, nkra bah lĕ ăp nău nuih ăl bah ƀon lan. Bí thư gưl uỷ, Kruanh Uỷ ban nhân dân ân nsrôih lăp kan. Thủ tướng đă ăp n’gor lor nchrăp, nsrôih lơn đŏng tâm pah kan dja, nta trong dơh hun hao mhe, ndrel đah nê ƀư jăp pah kan dăp rgum; ôp ŭanh dăp rgum mhe mpeh neh ntu n’hanh ăp nkô̆ nău êng ƀa ƀă./.