VOV4.M'nông: Ôi 24/8, ta Nhih pah kan Chính phủ, Thủ tướng Phạm Minh Chính ƀư tơm rơh hop Chính phủ way nkô̆ mpeh rdâk njêng pháp luật khay 8/2022 gay mĭn uănh 4 trong nchrăp luật khlay lor rnôk hao mbơh rblang, rhŏ dŏng an Rơh hop tâl 4 Quốc hội khóa XV lah: Trong nchrăp Luật neh ntu (rgâl nkra) tă bah Bộ Tài nguyên n'hanh Môi trường nchrăp; trong nchrăp Luật Đấu thầu (rgâl nkra) tă bah Bộ Kế hoạch n'hanh Đầu tư nchrăp; trong nchrăp Luật Hợp tác xã (rgâl nkra) tă bah Bộ Kế hoạch n'hanh Đầu tư nchrăp; trong nchrăp Luật rnoh khlay ndơ (rgâl nkra) tă bah Bộ Tài chính nchrăp.

Lah ta rơh hop, Thủ tướng Phạm Minh Chính lah rjăp, nău rdâk njêng nău way trong kan pháp luật dŭt khlay, way ƀư mbro, jêng đă ăp nuĭh kan tâm Chính phủ, kruanh ăp nhih pah kan ân tĭng ƀư jăp, rgum n'hâm suan, bôk rngok tâm nchră na nê̆. Thủ tướng ŭch rŏng ăp nuĭh rgum an nău rgop mpeh nkô̆ hôm êng êng, ăp nkô̆ mhe, ăp nkô̆ hôm wăk kol ngăn ngăn./.  

Nuĭh rblang: Điểu Thân