VOV4.M'nông: Ôi 2/3, ta Nhih pah kan Chính phủ, Thủ tướng Chính phủ Phạm Minh Chính ƀư tơm rơh hop pơk sŏng dăng lam dak mpeh ntrôl ngăch dăp rgum n'hanh nsŏng kơl trong rƀŏng dăp rgum lam lĕ rngôch neh dak rơh 2021 - 2030, uănh ngai tât năm 2050.

Lah ta rnôk ntơm pơk tâm nchră, Thủ tướng Phạm Minh Chính lah kloh, lôch bơi 1 năm dăp rgum Chính phủ mhe, aơ lah tâl bar ƀư rơh hop mpeh ntrôl ngăch, mĭn uănh ăp trong dăp rgum tĭng Luật Quy hoạch dơi an dŏng. Kơp ntơm bah rơh hop bah năp tât aƀaơ, Chính phủ hŏ ƀư du đêt nău kan, yơn lah, rnoh ngăch njêng, uănh năl di tay n'hanh uănh an dŏng dăp rgum hôm mbrơi đah nău ŭch geh. Tĭng nău mbơh rgum, tât aƀaơ mhe njêng geh 10% dăp rgum dơm ân njêng tâm lam dak. Thủ tướng đă rgum uănh năl nău ngăn geh, tâm ôp, sŏk nău rgop mpeh Dăp rgum lam lĕ rngôch neh dak rơh 2021-2030, uănh ngai tât năm 2050. Ôp uănh tay lam lĕ rngôch, uănh năl ăp kŏ kol, ăp ndơ mô hŏ dơi, geh ăp nkô̆ tât trong way kan, quy định mô lah mô an chính phủ rgâl, kơi ntop tay./.

Nuĭh rblang: Điểu Thân