Ôi 12/4, Thủ tướng Chính phủ Phạm Minh Chính ƀư tơm rơh hop tâl 5 Ban rđău đă Ngih dak ăp ntŭk nchrăp kan tơm khlay gưl neh dak mpeh n’gâng kan ntung trong nchuăn rdeng Ta rơh hop, Thủ tướng Phạm Minh Chính an gĭt, tâm năm kan 2021 - 2026, Ngih dak tâm pă 400 rbăn rmen prăk an hun hao ntung trong.

Aơ lah nău kan jâk têh. Ăp nău kan dơi tâm pă lam bah Nam tât Bắc, đah ăp trong nchrăp trong me Bắc - Nam, Đông - Tây n’hanh nthoi tât 6 nkual wăng sa-  rêh jêng kon nuĭh. Jêng, Ban rđău đă ân way hăn ôp ŭanh, ntrŭt ntrôl gay ƀư lôch jêh nău kan ndơ̆ luh. Thủ tướng an gĭt, aƀaơ Ngih dak hŏ tâm pă tơm prăk; geh  ăp trong kơl, droh rklaih ăp jêr  jŏt, kŏ kol; nkô̆ nău ntrŭt ntrôl ăp bôk nău kan, trong nchrăp kan gŭ ta rêng leo tĭng ƀư. Thủ tướng dăn đă ăp nuĭh kan tâm Ban rđău đă, ăp n’gâng kan, ăp n’gor n’hao nuih n’hâm dơn kan bah năp Đảng, Ngih dak, ƀon lan, leo lor, nsrôih ƀư, ngăch ngăr tâm nău rđău đă , ƀĭt juet, njrăng n’gang tih djơh, sa khâm…tâm rnôk tĭng ƀư ăp trong nchrăp kan khlay gưl neh dak, n’gâng kan rgum tơm ntung trong nchuăn rdeng.