Ôi 10/8, Thủ tướng Chính phủ Phạm Minh Chính, Kruanh Hội đồng Tâm rlong-nkhôm rnê Trung ương năm kan 2021-2026 (Hội đồng) ƀư tơm Rơh hop tâl 6 bah Hội đồng. Lah ntơm  pơk rơh hop, Thủ tướng Chính phủ Phạm Minh Chính lah rjăp, trong leo tâm rlong, pah kan nkhôm rnê hŏ ntrŭt nsôr, rgŏ jă, njêng suan ntrôl, trêng nău nđơr, ntik n’hao suan dăng, n’hao nău nsing nơm êng n’hanh nkra bah ăp jêr jŏt, rbăn lhơ gay lam dak dâk hao.

Thủ tướng đă ăp nuĭh kan tâm Hội đồng rgum ŭanh năl nău ngăn geh pah kan tâm rlong, nkhôm rnê, nchŏng kloh ăp nău dơi hŏ geh, ăp nchiăng khan n’hanh rblang ƀư kloh ăp nkô̆,  nău tă ơm gĭt kan; ntrŏng kloh rnoh tât kan, nău dơn kan ăp khay hôm ƀa ƀă bah năm 2023 n’hanh n’gluh ăp trong nkra geh nău dơi âk gay rgâl mhe lơn đŏng, n’hao săk tam bah pah kan tâm rlong, nkhôm rnê.