Nar 7/7, Thủ tướng Phạm Minh Chính ƀư tơm rơh pah kan pơk sŏng dăng bah Rnâng kan Chính phủ đah nkual ƀon têh Hồ Chí Minh an ƀư Nghị quyết bah Quốc hội mpeh rlong an ƀư du đêt trong kơl mha êng hun hao nkual ƀon têh Hồ Chí Minh. N’glôch jêh rơh pah kan, Thủ tướng Phạm Minh Chính nkoch kloh, ân ntrŏng nău an ƀư Nghị quyết mô dơn êng an nkual ƀon têh Hồ Chí Minh, lah tĭng ƀư geh nău dơi ri lam dak ndrel nsĭt geh.

Thủ tướng đă n’gluh an ngăch dĭl trong nchrăp kan bah Chính phủ, dŭt mbrơi lah tâm pơh bah kơi tay, tâm pă nău dơn kan kloh rvah, jao an ăp Groi Thủ tướng mât uănh. Bộ Kế hoạch n’hanh Đầu tư kan nsum đah Văn phòng Chính phủ n’hanh nkual ƀon têh Hồ Chí Minh ra tay lĕ rngôch, ăp nkô̆  Chính phủ ân n’gluh an dŏng Nghị định ri Chính phủ n’gluh an dŏng tĭng rêng, dơh glêh, ăp Groi Thủ tướng rđău đă tĭng nău kan he mât uănh gay nkra ăp nkô̆ nău hôm êng êng. Ăp n’gâng kan ân ndăn n’gluh ăp siƀŭt ntĭm nti tĭng n’glĕ nău dơi. Ăp siƀŭt ân dơi n’gluh an dŏng dŭt mbrơi nar 15/8 tât./.