Ôi nđaơ 23/9, Thủ tướng Chính phủ Phạm Minh Chính ƀư tơm rơh rƀŭn Chính phủ chuyên đề mpeh ndâk njêng pháp luật khay 9 năm 2024. Aơ lah rơh rƀŭn Chính phủ năm 2024 tâm nchră mpeh âk nkô̆ nău khlay. Ntoh ngơi ntơm ƀư rơh rƀŭn, Thủ tướng Phạm Minh Chính ntĭm kloh, ndâk njêng, lôch jêh trong ƀư, pháp luật lah ngoăy tâm 3 nău mhe têh, trong ƀư nkre tu tơm, ntrŭt an hun hao.

Thủ tướng Chính phủ đă ăp nuĭh Chính phủ, ăp kruanh n’gâng kan, kruanh nău kan ntĭm rđău trong kan ndâk njêng pháp luật, kơl lor tu tơm kon nuĭh, ndoh ndơ, prăk kaih an trong kan ndâk njêng pháp luật; n’hao nuih n’hâm lĕ đah nău kan, rgum ƀon lan ƀư tơm, ntrôl lĕ đah nău kan; bah năp măt rhŏ uĕh rƀŭn tal 8, Quốc hội khóa 15.