VOV4.M’nông – Ôi 13/9, Thủ tướng Chính phủ Phạm Minh Chính lĕ ƀư tơm rơh rƀŭn tal 17 bah Ban ntĭm rđău Njrăng, n’gang Covid-19. Rơh rƀŭn dơi ƀư trực tuyến đah tơm ntŭk ƀoh Chính phủ đah 63 n’gor, nkual ƀon têh ta Trung ương. Ntoh ngơi ta rơh rƀŭn, Thủ tướng Phạm Minh Chính an gĭt: Tât aƀaơ, he mâp đăp mpăn wăng sa têh, uănh nđôi nău hao khlay, rdâk nkra tay wăng sa n’hanh ntrôl hao jêng; nău rêh nuĭh ƀon lan dơi rgâl.

Thủ tướng Phạm Minh Chính ƀư tơm rơh rƀŭn mpeh njrăng, n’gang srê Covid-19

Ăp săk rnglăy nĕ lah knơm nău rđău di, ngăch bah Ban Chấp hành Trung ương Đảng, na nê̆, na nao lah Bộ Chính trị, Ban Bí thư; nău hăn ndrel, tâm rgop rjăp bah Quốc hội, nău lăp bah lĕ trong chính trị... he lĕ ƀư lôch jêh trong kan vaccine. Yơn lah, aƀaơ ntoh nău mĭn thơ tha, đah nuh srê. Nău mĭn thơ tha jêng nău chuh vaccine mô hŏ dơi geh nău rƀŏng tĭng nuih n’hâm ntĭm rđău bah Ban ntĭm rđău. Aơ lah nău an rblang an nê̆. Thủ tướng đă, mkra nu nău mô tŏng dak si, ndoh ndơ dak si, đăp mpăn nuĭh kan dak si; n’hao nkoch trêng, n’hao âk lơn tay nău wât njrăng n’gang srê bah nuĭh ƀon lan.

Nuĭh rblang: Y Sưng Phê Ja