Ôi 3/4, ta nhih pah kan Chính phủ, Thủ tướng Chính phủ Phạm Minh Chính ƀư tơm rơh tâm nchră pơk sŏng dăng Chính phủ đah n'gor khay 3/2023 gay ndrel uănh tay nô nău kan ƀư n'glôch jêh bah Trung ương, Nghị quyết bah Quốc hội, rgum tơm lah tâm nchră nô nău wăng sa rêh jêng kon nuĭh khay 3 n'hanh 3 khay năm 2023, nô nău an ƀư Nghị quyết 01 bah Chính phủ, Bôk nău kan dâk tay n'hanh hun hao wăng sa rêh jêng kon nuĭh, 03 Bôk nău kan gưl neh dak; nô nău tâm pă, n'gluh tơm prăk ntuh kơl.

Mpeh nău dơn kan,  trong nkra tơm let năp tay, Thủ tướng đă tĭng ƀư jăp, geh nău tam ăp nghị quyết, n'glôch jêh bah Trung ương Đảng, Bộ Chính trị, Ban Bí thư, Kruanh n'gâng tơm, Quốc hội, Chính phủ, Thủ tướng Chính phủ. Đăp mpăn săk tam, rnoh ngăch ăp đề án, nkô̆ mbơh rblang ta Tâm nchră Trung ương 7 n'hanh rơh hop tâl 5 Quốc hội khóa XV. An ƀư lor mât đăp mpăn wăng sa têh, mât kân bah hao khlay ndơ, ntrŭt ntrôl hun hao, đăp mpăn geh nău tâm ban geh tăch rgâl têh. Ntrôl dăng ƀư njêng tăch rgâl; nta joi nău kan, trong rêh an nuĭh ƀon lan.