VOV4.M’nông – Kêng măng 1/3, Thủ tướng Chính phủ Phạm Minh Chính lĕ điện tâm nchră đah wa Kasper Rorsted, Tổng Giám đốc Tập đoàn Adidas ta Việt Nam. Ta rơh điện tâm nchră, Thủ tướng nkoch nău nsing nơm Tập đoàn Adidas mbra dơi geh âk nău têh khlay lơn n’hanh ntrôl dăng nău ƀư nkra njêng tăch rgâl ta Việt Nam, geh nta nơih an ăp doanh nghiệp Việt Nam râng jru lơn tâm nău pă manh lam ntŭr neh bah adidas. Thủ tướng đă Tập đoàn mât uĕh nău kan rêh jêng bah doanh nghiệp, uănh mĭn nău geh kơl kon nuĭh n’hanh nta nău kan uĕh an nuĭh pah kan Việt Nam.

Thủ tướng Phạm Minh Chính

Thủ tướng nkoch nău kơl an bah Chính phủ Việt Nam mpeh hao jêng uĕh, n’hŭch ndŏk nja n’hanh uănh lah prêh tâm ton bah Adidas mpeh nkra njêng tăch rgâl nâp nâl hăn ndrel đah mât njrăng ntŭk ntô, dŏng ŭnh nar du trong săk rnglăy. Thủ tướng nkoch mpŏng ŭch adidas rgop ntrôl tay tâm boh kan ndrel wăng sa-tăch rgâl-ntuh kơl đah Việt Nam n’hanh Cộng hòa Liên bang Đức n’hanh Liên minh châu Âu.

Nuĭh rblang: Y Sưng Phê Ja