Kêng măng ntri (16/12) Thủ tướng Chính phủ Phạm Minh Chính n'hanh Mpôl ntơh măt gưl têh Việt Nam hŏ sĭt tât Hà Nội, dŭt jêh uĕh lăng hăn pah kan tât châu Âu râng Tâm nchră gưl têh nkah ndray 45 năm tâm boh Hiệp hội ăp dak Đông Nam Á (ASEAN)-Liên minh châu Âu (EU) n'hanh khâl ngăn Đại Công quốc Luxembourg, dak Hà Lan, dak Bỉ.

Hăn khâl bah Thủ tướng Phạm Minh Chính lah ntơm khlay tâm boh bah Việt Nam đah Luxembourg, Bỉ, Hà Lan, kơl n'hao dăng tâm nsing nơm chính trị, ntrôl dăng lam lĕ rngôch tâm boh đah Việt Nam n'hanh 3 dak  tâm rơh hun hao mhe nar lơn ma lăp jru, ngăn ngăn, rhŏ dŏng ăp nău geh rnă njrăng- hun hao bah Việt Nam n'hanh rgop an đăp mpăn, tâm boh n'hanh hun hao ta nkual n'hanh lam ntŭr neh. Tâm nchră gưl têh nkah ndray 45 năm tâm boh ASEAN-EU geh nkô̆ hôr khlay mha êng, lah rnôk uĕh gay ăp kruanh bar ding n'gluh ăp trong rƀŏng khlay gay hun hao dăng lơn tâm boh ASEAN-EU let năp tay.

VOV/Nuĭh rblang: Điểu Thân