Lôch hăn ôp ŭanh du đêt trong nchrăp kan ta ăp n'gor, nkual ƀon têh Đồng bằng sông Cửu Long; kêng măng 30/1 ta nkual ƀon têh Cần Thơ, Thủ tướng Chính phủ Phạm Minh Chính hŏ geh rơh pah kan đah ăp n'gâng kan n'hanh ăp n'gor nkual Đồng bằng sông Cửu Long mpeh nô nău an ƀư ăp trong nchrăp kan têh ta nkual.

 Lah ta aơ Thủ tướng lah rjăp nău mĭn ân aih rvah, nsrôih ƀư lĕ n'hâm suan, geh rgum tơm moh ndơ ƀư lôch jêh ndơ nê, geh nău dơi tâm pă tâm rlak dơi n'hanh rgum an ƀư lor an trong nchrăp ƀư trong cao tốc. Thủ tướng rnê âk Bộ Giao thông Vận tải, 9 n'gor nkual ƀon têh Đồng bằng Sông Cửu Long geh tât trong hăn rlău hŏ nsrôih dŭt âk. Bah meng nê Thủ tướng đă n'hao âk rmôt cán bộ, n'hao nău dơi kan cán bộ gay tâm kơt nti nsum, dŏng khoa học công nghệ dŭt âk tâm rnôk ƀư. Thủ tướng đă ăp n'gor geh trong cao tốc hăn rlău kruanh rđău kan ăp n'gor ân rong âk mông nar gŭ tâm nchră tay n'hanh tâm pă nău tă ơm gĭt kan, ndrel đah nê rgum tơm suan dăng bah ƀon lan.

VOV/Nuĭh rblang: Điểu Thân