Ôi aơ, 9/12, ndeh păr rdêng Thủ tướng Chính phủ Phạm Minh Chính n’hanh Mpôl kruanh gưl prêh Việt Nam hăn trong râng Rƀŭn nchră gưl prêh nkah gĭt 45 năm tâm boh ASEAN-EU ta Brussels, Bỉ n’hanh khâl na nê̆ Đại Công quốc Luxembourg, dak Hà Lan n’hanh dak Bỉ.

Nău Thủ tướng Chính phủ Phạm Minh Chính ndrel kruanh ăp dak ASEAN râng rƀŭn nchră gưl prêh nkah gĭt 45 năm tâm boh ASEAN-EU geh nkô̆ nău khlay, mpơl nuih n’hâm nchrăp lor, dŭt n’hâm n’hanh rgop lĕ nău kan bah Việt Nam tâm ASEAN kơt đah nsum mpôl lam ntŭr neh, lơn lah tâm nkual n’hanh lam ntŭr neh dôl rdâng đah âk nu nău jêr jŏt, ntŭl rlong kơt aƀaơ. Aơ lah rơh bôk năp ASEAN n’hanh EU ƀư rƀŭn nchră Gưl prêh nkah gĭt ta EU, đah tât râng bah Kraunh ăp dak kan ndrel. Rơh hăn rgop ƀư jru lơn tâm boh kan ndrel têh hvi ASEAN-EU, tâm boh kan ndrel lĕ rngôch Việt Nam-EU n’hanh tâm boh bah Việt Nam đah ăp dak tâm EU, rgop mkra ăp nău hôm e, wăk kol.