Ôi aơ (9/5), Thủ tướng Phạm Minh Chính leo mpôl ntơh măt Việt Nam hăn tât Indonesia gay râng tâm nchră gưl têh ASEAN tâl 42. Tâm nchră rơh dja geh nkô̆: “Du ASEAN Têh jong: Rgum tơm bah nău hun hao”, Indonesia, dak pleh ƀư Kruanh ASEAN 2023 mbra n’gluh âk trong ƀư mhe gay n’hao nău dơi rdâng lơh bah ASEAN n’hanh ndơ̆ ASEAN jêng suan ntrôl hun hao dăng lam ntŭr neh, tâm nê êng ŭanh khlay tât rnă njrăng ŭnh nar, rnă ndơ sa, nsrôih êng dak si n’hanh đăp mpăn prăk kaih... đah âk nău dăn đă ta lĕ pe n’gâng tơm nsum mpôl.

Ăp rơh hop bah Tâm nchră gưl têh ASEAN 42 mbra rgum tâm nchră mpeh tât rdâk njêng nsum mpôl ASEAN, rơh hop mbra tâm ôp mpeh ăp nkô̆ nău dak bah dih n’hanh nkual ndrel uănh khlay. Nchrăp tâm nchră ASEAN tâl 42 mbra ŭanh an âk siƀŭt khlay mpeh trong kan tâm boh mpeh chính trị- rnă njrăng, wăng sa n’hanh văn hóa-rêh jêng kon nuĭh./.