Kêng măng 4/8, Thủ tướng Phạm Minh Chính hŏ vơt rmôt kan Nghị sĩ Quốc hội Hoa Kỳ yor wa Jason Smith, Kruanh Uỷ ban Thuế vụ Hạ viện dôl geh rơh khâl ndrel pah kan ta Việt Nam. Thủ tướng Phạm Minh Chính lah rjăp, Việt Nam mro uănh khlay nau tâm boh kan nsum ăp ntil đah Hoa Kỳ, rnê nau kan Hoa Kỳ n’hao nau tâm boh đah Việt Nam, ryơk ntrong kan chính trị ndrel kơl an Việt Nam “dăng, đăp mpăn, nsôih êng ndrel ƀư nâp”.

Rơh tât, Thủ tướng đă bar dak lŏ ntrŭt dăng nau hăn khâl gưl prêh ndrel ăp gưl, tâm nchră rmôt kan bar ding, njoăl nau jă rmôt kan nghị sĩ mom Hoa Kỳ râng rơh rƀŭn Nghị sĩ mom lam ntur neh tal 9 yor Quốc hội Việt Nam ƀư tơm. Thủ tướng đă, bar dak ntrŭt dăng tâm boh tâm ăp nau kan văng sa, tăch rgâl, ntuh kơl, khoa học công nghệ, ntĭm nti, rgâl nau mhe, nkra chíp bán dẫn, ntrơn rgâl mrô, ntrơn rgâl ŭnh nar, hao nau ndrih, âk ntil mpeh nau pă ndrel rdâng đah rgâl mhe trôk nar./.