Kêng măng (4/2), Thủ tướng Chính phủ Phạm Minh Chính lĕ khâl, mbah rhơn Tết, an ndơ ntrŭt nsôr ăp rmôt rdâng kâp ƀư nău kan rơh Tết Nguyên đán ta nkual ƀon têh Cần Thơ. Khâl, mbah rhơn Tết phung pah kan Công ty cổ phần đô thị Cần Thơ, mpŏng ŭch cán bộ, phung pah kan, nuĭh kan Công ty mât uĕh nuih n’hâm rŏng dak, nuih n’hâm lĕ nău kan, tâm rlong pah kan, mông nar mhe, n’hâm soan mhe, nău geh mhe tâm năm 2024 n’hanh năm tât;

rgop an nkual ƀon têh Cần Thơ uĕh nđĭr mro, kloh uĕh, đăp mpăn. Thủ tướng đă gưl ủy, n’gâng kan ƀon lan nkual ƀon têh Cần Thơ n’hanh Công ty cổ phần đô thị Cần Thơ mĭn njêng n’hao prêh nău rêh drăp ndơ, nuih n’hâm bah phung pah kan, nuĭh kan công ty, ngăn lah ăp rnăk geh nău rêh jêr jŏt, rnăk wâl geh soan đah cách mạng