VOV4.M’nông – Nthoi tay bôk nău kan khâl, mbah rhơn Tết ta n’gor Thanh Hóa nkhêp di rơh Tết way ơm bah rnoi mpôl-Năm Nhâm Dần 2022, ôi 25/1, Thủ tướng Chính phủ Phạm Minh Chính n’hanh mpôl pah kan bah Trung ương lĕ khâl, mbah rhơn Tết, nkoch bri đah hội viên câu lạc bộ Hàm Rồng. Aơ lah ntŭk rgum cán bộ cách mạng, cán bộ gưl prêh bah Đảng, n’gâng kan ƀon lan, rmôt vũ trang lĕ rlu ranh ta nkual ƀon têh Thanh Hóa. Thủ tướng đă n’gor Thanh Hóa nta tay an câu Lạc bộ pah kan nar lơ săk rnglăy, mât uĕh nău way ơm “sông Mã anh hùng”, rgop an nău kan nsum bah n’gor, ndâk njêng n’gor Thanh Hóa nar lơ hun hao, lah n’gor rup gui mhe đah ăp ntil, rgop ndâk ndâk njêng neh dak têh ndrŏng, ƀon lan nar lơ hơm răm, uĕh lăng. Thủ tướng đă bah năp măt, ăp gưl, n’gâng kan n’hanh ăp ngih pah kan mât uănh uĕh an nuĭh ƀon lan n’hanh nuĭh pah kan wơt Tết răm m’ak, đăp mpăn, uĕh lăng, ntêm nkrem, tâm rnglăp.

Nŭih blang: Y Sưng Phê Ja