VOV4.M'nông: Kêng măng 20/4, Thủ tướng Chính phủ Phạm Minh Chính hŏ kuăl điện tâm nchră đah Thủ tướng Italia Mario Draghi. Bar kruanh rđău kan tâm ban ŭch tâm khâl ta ăp gưl, lơn lah gưl têh n'hanh ntik hvi tay ăp nău dơi geh bah bôk nău kan n'hao tâm boh têh  jong 2021- 2030.

Bar ding rhơn saơ geh bơi bar năm tĭng ƀư trong tâm ton dah rŏng tăch rgâl Việt Nam – EU (EVFTA), tâm rsong tăch rgâl geh âk nău dơi mpŏng. Tâm năm 2021, nsĭt geh tăch rgâl bar ding geh tât 5,6 rmen USD, hao 20% rđĭl đah năm 2020. Thủ tướng Phạm Minh Chính dăn đă Italia ơm uănh an dŏng nău tâm ton mât njrăng ntuh kơl Việt Nam – EU (EVIPA), ơm kơp dơn hộ chiếu vaccine n'hanh nta trong dơh an ndơ tăch Việt Nam tât đah ntŭk tăch rgâl, lơn lah ăp ndơ tuch tăm mât rong, puăch ka, play do kơt play wai, thanh long, vải thiều.

Nuĭh rblang: Điểu Thân