Ôi 28/11, ta nkual ƀon têh Hồ Chí Minh, Thủ tướng Chính phủ Phạm Minh Chính râng n'hanh geh nău rgop khlay tâm rơh rgum nchră n'hanh pla n'hơ wăng sa kloh uĕh năm 2022. Thủ tướng Phạm Minh Chính lah rjăp, Việt Nam way uănh EU lah dak tâm boh khlay bôk năp tâm trong rƀŏng tâm boh dak bah dih bah Việt Nam.

Thủ tướng lah rjăp, wăng sa kloh uĕh, wăng sa mbrô, wăng sa sĭt jêng tay n'hanh hun hao jŏ jong lah trong rƀŏng khlay an trong kan hun hao wăng sa- rêh jêng kon nuĭh bah ăp dak, ăp n'gor, doanh nghiệp n'hanh ndjôt tât nău dơi ta âk dak. Chính phủ Việt Nam hŏ mpơl nău nsrôih n'hanh nău mpŏng nău rgâl dăng n'hanh geh nău tam lơn tâm let năp tay đah nău uănh an dŏng jŏ jong trong kan neh dak n'hanh hun hao  kloh uĕh lvang năm 2021-2030, uănh ngai tât năm 2050. Lah du dak dôl hun hao, yơn Việt Nam hŏ nănh n'gluh ăp nău ton dŭt dăng n'hanh hun hao jŏ jong. Việt Nam hŏ ndrel bơi 150 dak ton n'hŭch n'gluh n'huk djơh jŭr tât mô hôm geh tâm n'gul rach năm; ndrel đah rlău 100 dak râng ton n'hŭch n'gluh n'huk djơh metan lam ntŭr neh năm 2030.

VOV/Nuĭh rblang: Điểu Thân