Kêng măng 18/7, Thủ tướng Phạm Minh Chính lĕ hăn uănh Ndrâm dak lêng rdêng ndơ hăn dak bah dih Cần Giờ n’hanh nău nchrăp ƀư nkual têh in dak lêng Cần Giờ, nkual ƀon têh Hồ Chí Minh. Ndrâm dak lêng rdêng ndơ dak bah Cần Giờ, nchrăp ƀư ta Cù Lao Phú Lợi ta mpông dak me Cái Mép-Thị Vải, nkuăl Cần Giờ, dĭng lĕ rnoh neh ndrâm dak nklăp 571 ha n’hanh rnoh măt dak nklăp 477 ha; dĭng lĕ rnoh prăk ntuh kơl an nău nchrăp ƀư rlău 5 rmen đôlar. Nkual ƀon têh pâl nđaih in dak lêng Cần Giờ geh dĭng lĕ 2.870ha, dĭng lĕ rnoh prăk rlău 217.000 rmen prăk.

Jêh rnôk hăn uănh, Thủ tướng Chính phủ Phạm Minh Chính geh nar pah kan đah kruanh ăp N’gâng kan, nău kan Trung ương n’hanh nkual ƀon têh Hồ Chí Minh gay ntĭm trong hun hao nkual Cần Giờ ngăch n’hanh nâp nâl. Thủ tướng Chính phủ Phạm Minh Chính đă nkual ƀon têh Hồ Chí Minh ndăn ndâk ƀư dăp rgum hun hao nkual ƀon têh; ntop tay, lôch jêh dăp rgum hun hao nkuăl Cần Giờ, dăp rgum lĕ nkual ƀon têh. Tâm nĕ geh nkual ƀon têh in dak lêng Cần Giờ n’hanh ăp nău nchrăp êng. Thủ tướng đă dăp rgum hun hao nkuăl Cần Giờ lah nsum n’hanh nkual ƀon têh in dak lêng Cần Giờ lah êng an mkra n’hanh ntop kơl, n’hŭch nău kol trong hăn, ntŭk ntô rêh n’hanh jay gŭ an nuĭh ƀon lan an nkual nklang nkual ƀon têh Hồ Chí Minh.