Kêng măng lơ 24/8, Thủ tướng Chính phủ Phạm Minh Chính leo rơh rƀŭn nchră chính phủ bôk nău kan rdâk njêng pháp luật khay 8/2023 gay ma tâm nchră ăp nău nchrăp kan Luật: Luật thủ đô (mhe rgâl); Luật mât đăp mpăn hăn trong neh, Luật trong neh, Luật công nghiệp mât rnă njrăng ngih dak, rnă njrăng đăp mpăn n’hanh pah kan công nghiệp.

Ta rơh rƀŭn nchră, Chính phủ lĕ geh djăt ntŭk kan leo kan mbơh tơih ăp nău nchrăp luật; mbơh tơih mbơh rblang, geh gĭt ăp nău kan rdâk njêng ăp nău nchrăp luật, nglôch lôch nău tâm rgop bâh ăp n’gâng kan, ntŭk kan, uănh n’hêl mpeh nău ntrŭnh, nău way nchrăp kan, ăp nău đă, nău way kan rdâk njêng Luật, an tâm ban, dơn ngoăy đah ăp nău ntrŭnh pháp luật aƀaơ geh, uănh kơt nău tă kan ta lam ntur neh, nkre lah mbơh rblang na nê̆ ăp nău tơm khlăy n’hanh hôm nha geh âk nău tâm rgop êng êng ta ăp nău nchrăp Luật. Ndrel đah an tâm rgop đah ăp nău nchrăp kan Luật, nglôch lôch rơh rƀŭn nchră, Thủ tướng Chính phủ Phạm Minh Chính đă ăp n’gâng kan, ntŭk kan, bâh nău uănh nđôi, nglôch lôch, nău ndơ̆ ăp nchrăp kan, dăn đă rdâk njêng luật an geh ƀư kloh na nê̆ ăp nău ntrŭnh ndơn kan, mât kơt aƀaơ, ƀư kloh na nê̆ ăp nău ntrŭnh an geh nklơi jăng, ƀư kloh ăp nău ntrŭnh an rgâl mhe, ntop tay, ntrŭnh mhe. Thủ tướng nkah đă, tâm let năp tay, nău kan rdâk njêng mbra geh âk lơn. Chính phủ, ăp nuĭh kan ta Chính phủ an nsrôih ƀư dơi ueh mpeh rdâk njêng, ƀư lôch nău kan, doh rklaih lĕ ăp nău kŏ văk, jêr jŏt, nta nău dơh nơih ngăn an nuĭh ƀon lan, doanh nghiệp, mbơh tơih ăp rnoh kan an hun hao wăng sa- rêh jêng ngăch n’hanh nâp nâl, ntop ƀư tĭng nău dơi kan yor Đảng, ngih dak lĕ ngluh mbơh.