Ôi lơ 20/4, rơh rƀŭn nchră mbơh tơih n’hanh mbơh nău nchrăp lĕ rngôch ngih dak rơh năm 2021-2030, mpŏng uănh tât năm 2050, đah bôk nău “nău mĭn mhe- mpŏng kan mhe- rơh nkhêp mhe- nău khlăy mhe” lĕ geh ƀư đah nău leo kan bâh Thủ tướng chính phủ Phạm Minh Chính.

Rơh rƀŭn nchră geh tĭng trong trực tuyến ta ntŭk kan chính phủ n’hanh 63 n’gor, nkuăl ƀon têh bâh Trung ương. Ntoh ngơi ta rơh rƀŭn nchră, Thủ tướng Phạm Minh Chính lah na nê̆, nău nchrăp kan lĕ rngôch ngih dak lah nău kan chính trị dŭt khlăy geh nău kan tơm, jŏ jong, yơn lah nău dŭt têh hvi, dŭt mhe, dŭt jêr n’hanh ê hŏ tă geh bâh ntơm”. Aơ lah nău kan pháp lý, nău kan khlăy kơl an ngih dak nchrăp kan, njêng nău kan, nău hun hao, mât đăp mpăn tâm ban đah nău nchrăp kan gâl ngih dak đah nău nchrăp kan ta nkual n’hanh nău nchrăp kan n’gor, gay ma geh sŏk dŏng lĕ rngôch nău dơi, nău geh bâh neh dak gay ma hun hao wăng sa rêh jêng ngăch n’hanh nâp nâl. Thủ tướng đă ăp gâl kan, ăp ntŭk kan an rgum ntĭm đă mbơh tơih ƀư tâm ban, săk rnglăy 10 nău kan khlăy, pă mbơh nău kan na nê̆ gay ma an lor pă rnoh kan ƀư tĭng geh săk rnglăy bôk nău kan aơ.